په کوېټ کې د نړۍ د ترټولو لنډ واده ریکارډ ثبت شو، پدې هېواد کې يوې جوړې د واده څخه صرف دری دقیقې وروسته د یو بل څخه طلاق واخیست او جدا شول.
د کوېټې رسنیو په وينا د ناوې او زوم تر منځ جنجال هغه مهال رامنځته شو کله چې د نکاح د سالون څخه راووتل او زوم ناوې ته وویل چې احمقې.
ددې خبرې وروسته ناوې سم دلاسه مخ په محکمه کړ او د فوري طلاق درخواست یې ورکړ، محکمې هم پرته له ځنډه فورا دوی طلاق اعلان کړل.
د ناوې له لوري ویل شوي چې احترام او درناوی ورته هرڅه دی او که خاوند یې ان په داسې ورځ کې درناوئ نکوي نو ګډ ژوند نوره مانا نلري.