د هالیوډ د فلمونو یوه مشهوره اداکاره، چې عمر یې ۷۴ کلو ته رسېدلی، تازه په یوې مرکه کې ویلي چې لا هم د واده اړیکې او مینه ورته مهمه ده او غواړي د ژوند په دې پړاو کې هم د خپل خاوند سره نږدې اړیکې وساتي. نوموړې ویلي، د عمر زیاتوالی د مینې احساس نه ختموي.
اداکارې په خپلو خبرو کې ویلي، تراوسه یې د میړه او مېرمنې د اړیکو په برخه کې هېڅ ډول ستړیا نه ده احساس کړې او نه یې غواړي د عمر له امله دا اړیکه پای ته ورسېږي. هغې زیاته کړه چې ژوند هر پړاو خپل خوږوالی لري او باید خلک د عمر له امله له خپلو غوښتنو تېر نه شي.
خو د اداکارې په وینا، د هغې خاوند برعکس فکر لري او وایي چې نور یې بس دي او غواړي لږ ارام ژوند ولري. نوموړې وویل چې د میړه فکر ورته د منلو وړ دی خو باور لري چې مینه د عمر په زیاتېدو نه ختمېږي.
د دې خبرې له خپرېدو وروسته په ټولنیزو رسنیو کې پراخ غبرګونونه راپارېدلي. ځینو خلکو د اداکارې دریځ ستایلی او ویلي چې د عمر په هر پړاو کې مینه او نږدې اړیکې د انسان حق دی، خو ځینو نورو بیا د خاوند دریځ ته اشاره کړې او ویلي چې د انسان د ځواک او روغتیا حالت بدلېږي.
کارپوهان وايي چې د میړه او مېرمنې ترمنځ تفاهم، درک او خبرو اترو ته اړتیا ده څو دواړه لوري د ژوند په وروستیو مرحلو کې له یو بل سره په ارام او احترام ژوند ته دوام ورکړي. دمګړۍ د دې کورنۍ شخصي تصمیم لا نه دی روښانه شوی، خو مرکه یې د کورني ژوند او عمر پر موضوع نوې بحثونه راپورته کړي دي.