يوې برتانوۍ مېرمنې د خپل ګاونډي د کور څخه د کوروالي د لوړ غږونو له امله شکایت کړی او وايي چې دا موضوع يې ورځنی ژوند سخت اغېزمن کړی دی. د هغې په وینا، د شپې او حتی د ورځې په وخت کې د ګاونډي له کوره د چيغو او شور غږونه اورېدل کېږي چې نه يوازې مزاحمت دی، بلکې د ذهني فشار لامل هم ګرځي.
نوموړې زياتوي چې دا ستونزه يې تر کورنۍ هم رسېدلې ده. د هغې خاوند کله ناکله په ټوکه او يا جدي ډول ورته وايي چې ولې د دوی ترمنځ همداسې اړیکه نه شته، چې دا خبره بيا د مېرمنې لپاره نوره هم نا ارامي رامنځته کوي او د دوی ترمنځ پر اړیکو هم اغېز کوي.
بلخوا، هغې اندېښنه ښودلې چې کوچنيان يې هم له دې حالته اغېزمن شوي دي. د هغې په وينا، ماشومان يې پوښتنې کوي چې ولې د ګاونډي له کوره د يوې ښځې چيغې اورېدل کېږي، او دا موضوع ورته ډېره شرموونکې او ستونزمنه ده چې څنګه ورته مناسب ځواب ورکړي.
دغه مېرمن وايي چې غواړي دا موضوع په ارامه او قانوني ډول حل شي، څو هم د دوی د کورنۍ ارامتيا خوندي پاتې شي او هم له ګاونډي سره شخړه رامنځته نه شي. هغې له اړوندو ادارو غوښتنه کړې چې د داسې حالاتو لپاره واضح اصول او حل لارې موجودې کړي، تر څو خلک د نورو د شخصي ژوند له اغېزو خوندي وساتل شي.