پوليسو اعلان کړی چې د يوې ۲۲ کلنې ښوونکې پر ضد د دوو شاګردانو د جنسي تېري جدي تورونه ثبت شوي دي. د امنيتي سرچينو په وينا، دا قضيه د ټولنې لپاره د باور د ماتېدو يوه سخته بېلګه ده او څېړنې يې له حساسو پړاوونو تېريږي.
د پوليسو د معلوماتو له مخې، تورنه ښوونکې به شاګردان د ځانګړو درسونو تر نامه لاندې يو خصوصي ځای ته بلل. دوی ته به یې خپل مېړونه ویل او خپل بربنډ انځورونه به یې ورته استول.
چارواکي وايي، دا کړنه د ښوونيزو اصولو او قانون ښکاره سرغړونه ده او د شاګردانو د خوندیتوب پر وړاندې جدي ګواښ ګڼل کېږي.
تحقيقاتي ادارو زياته کړې چې په دې قضيه کې د ډيجېټل شواهدو راټولول هم روان دي. چارواکي وايي، هر ډول ناوړه اړيکې او د باور څخه ناسمه ګټه اخيستل به د قانون له مخې په کلکه تعقيب شي.
د قضیې تر افشا کېدو وروسته، د ماشومانو د حقونو فعالانو د ښوونځيو د څار او د خوندیتوب د ميکانيزمونو د پياوړتيا غوښتنه کړې ده. هغوی ټينګار کوي چې د داسې پېښو مخنيوی يوازې د سختو قوانينو او اغېزمن نظارت له لارې ممکن دی.
چارواکي وايي، که تورونه ثابت شي، نو تورنه ښوونکې به په روسيه کې د سختې جزا، چې تر ۲۰ کلونو بند پورې رسېږي، سره مخ شي. پوليس ټينګار کوي چې څېړنې به تر وروستۍ پرېکړې پورې په بشپړ شفافيت سره دوام ومومي.
