يوه امريکايۍ عسکره چې کلونه وړاندې په افغانستان کې د جګړې برخه وه، وروسته له پوځ څخه د وتلو سره له سختو رواني او اقتصادي ستونزو سره مخ شوه. هغې ويلي چې جګړې، اوږدې مأموريتونه او د جګړې ترخې خاطرې د هغې پر ژوند ژور اغېز کړی و او عادي ملکي ژوند ته ستنېدل ورته اسانه نه وو.
د ژوند د لګښتونو د پوره کولو لپاره، نوموړې يو مهال د جنسي فلمونو په صنعت کې کار پيل کړ. د هغې په وينا، دا پرېکړه د شوق له مخې نه، بلکې د مجبورۍ له امله وه، ځکه چې نه يې ثابت کار درلود او نه هم د دولت لهخوا کافي ملاتړ ورسره موجود و. هغې غوښتل چې لږ تر لږه د سرپناه او خوراک ستونزه حل کړي.
خو دا کار هم د هغې ستونزې حل نه کړې. له يوې مودې وروسته، د قراردادونو ختمېدو او ټولنيز فشار له امله هغې خپله استوګنځای له لاسه ورکړ او بېکوره شوه. نوموړې وايي چې د خلکو منفي چلند او پر تېر پوځي ژوند د نه پوهېدو له امله يې حالت لا پسې خراب شو.
اوس مهال دا پخوانۍ عسکره د خپلو نږدې ملګرو په مرسته ژوند تېروي.
ملګرو يې ورته د اوسېدو ځای برابر کړی او هڅه کوي چې د ذهني روغتيا لپاره هم ورسره مرسته وکړي. هغې ټينګار کړی چې تر ټولو ستره اړتیا يې دا ده چې څوک يې کيسه واوري او درک يې کړي.
د دې ښځې کيسه د هغو زرګونو پخوانيو عسکرو يوه بېلګه ده چې له جګړې وروسته د ژوند له سختو ازموينو سره مخ کېږي. شنونکي وايي چې که د جګړې پخوانيو سرتېرو ته پر وخت رواني، اقتصادي او ټولنيز ملاتړ برابر نه شي، نو دا ډول تراژيدۍ به بيا بيا تکرار شي.