يوې سرچينې راپور ورکړی چې په يوې کليسا کې د دعا لپاره ورغلې دوه نجونې د هغه ځای د عيسوي راهب له لوري له ناوړه چلند سره مخ شوې دي. د عيني شاهدانو او سیمهايزو چارواکو په وينا، راهب لومړی پر دواړو نجونو حا.مله کړې او وروسته یې تړلې ساتلې دي. پېښه د خلکو د اندېښنو او غوسې سبب شوې ده.
لومړی راپور هغه وخت خپور شو چې د کليسا د کارکوونکو يو غړي د شک په اساس پوليسو ته خبر ورکړ. پوليسو د کليسا ودانۍ ته له ننوتلو وروسته دواړه نجونې ژغورلې او اړوند راهب یې نيولی دی. لا تر اوسه د نجونو روغتيايي حالت په رسمي ډول نه دی اعلان شوی.
د سيمې د پوليسو وياند مطبوعاتو ته ويلي چې لومړنۍ څېړنې ښيي نجونې د دعا لپاره کليسا ته ورغلې وې، خو هلته له زور لاندې ساتل شوې. نوموړي زياته کړه چې قضيه د جدي جنایي جرم په توګه څېړل کېږي او نور جزئيات به وروسته له پلټنو سره رسنيز شي.
سيمهايزو اوسېدونکو دا پېښه د دين له نومه د ناوړه ګټې اخيستنې يوه بڼه بللې او د قانوني سزا غوښتنه یې کړې. د بشري حقونو فعالانو هم له چارواکو غوښتي چې د نجونو لپاره طبي او رواني ملاتړ برابر کړي او د ورته پېښو د مخنیوي لپاره قوي ميکانيزم جوړ کړي.
ددې پېښې له خپرېدو وروسته د کليسا مشرانو اعلان کړی چې له پلټنو سره به همکاري کوي او که جرم ثابت شي، راهب ته به د قانون مطابق سزا ورکول کېږي. چارواکي وايي، څېړنې روانې دي او تمه ده نوره رڼا به په راتلونکو ورځو کې پر پېښه واچول شي.
