برتانوۍ رسنۍ د يوې عجيبې طبي پېښې راپور ورکوي چې پکې يوې جوړې له څلورو کلونو ګډ ژوند او کوروالۍ وروسته هم د ښځې د بکارت پرده نه ده شکېدلې. دا جوړه چې د واده له پيله تر اوسه منظم کوروالی درلود، وروسته د شک له امله ډاکټر ته مراجعه وکړه، څو د دې حالت لامل معلوم کړي.
ډاکټرانو له طبي معاينې وروسته ويلي چې د ښځې روغتيا بشپړه عادي ده او د بکارت پرده هم طبيعي بڼه لري. د ډاکټرانو په وينا، دا حالت د کومې ناروغۍ يا ستونزې له امله نه، بلکې د کوروالۍ د ځانګړي پوزېشن له کبله رامنځته شوی دی.
د راپور له مخې، يادې جوړې په تېرو څلورو کلونو کې تل يوازې يو مشخص پوزېشن کارولی دی. ډاکټرانو څرګنده کړې چې په دغه پوزېشن کې د فزيکي تماس زاويه داسې وي چې د بکارت پر پرده مستقيم فشار نه راځي، له همدې امله پرده نه شکېږي.
طبي کارپوهان وايي چې د بکارت پرده په ښځو کې بېلابېل ډولونه لري او په ځينو ښځو کې دا پرده ډېره انعطافمنونکې وي. همدارنګه، د کوروالۍ طريقه، زاويه او فزيکي جوړښت ټول د دې لامل کېدای شي چې پرده د اوږدې مودې لپاره پاتې شي.
ډاکټرانو ټينګار کړی چې بکارت د ښځې د اخلاقي ارزښت يا واده د ريښتينولۍ معيار نه دی، بلکې دا يو خالص طبي موضوع ده. دوی سپارښتنه کړې چې جوړې بايد د داسې مسایلو پر مهال له شرم پرته له متخصص ډاکټر سره مشوره وکړي، تر څو له ناسم فهم او ټولنيزو فشارونو څخه ځان وساتي.