پاکستانۍ نڅاګرې په یوه مرکه کې ادعا کړې چې د خپل مېړه د خوشحالۍ لپاره یې له بهر څخه د ۵۰۰ ډالرو په ارزښت د جنسي قوت درمل واخیستل، خو دا پرېکړه یې د ژوند تر ټولو ستره تېروتنه ثابته شوه. هغې ویلي چې غوښتل یې د کورني ژوند ستونزې حل کړي، خو پایله برعکس راووتله.
نوموړې وايي، له درملو تر استعمال وروسته د شپې ناوخته پورې دواړه په کور کې وو، خو سهار چې راویښه شوه، مېړه یې نور په کور کې نه و. د هغې په وینا، مېړه یې نه یوازې وتښتېد، بلکې موبایل یې هم بند کړی او هېڅ ډول اړیکه ورسره نه نیسي.
نڅاګره زیاتوي چې د دغه کار تر شا یې احساساتي باور او مینه وه، خو اوس له سختې رواني ضربې سره مخ ده. هغې ویلي چې د ټولنیزو فشارونو او بدنامۍ له امله نشي کولی دا موضوع په اسانه له چا سره شریکه کړي.
هغې همداراز ادعا کړې چې مېړه یې له پېله د پیسو او اسانتیاوو په لټه کې و او کله چې هدف ته ورسېد، نو له مسؤلیت پرته یې کور پرېښود. د نوموړې په خبره، دا ډول پېښې د ښځو پر احساساتو او باورونو ناوړه اغېز کوي.
د ټولنیزو چارو ځینې شنونکي وايي، دا ډول پېښې ښيي چې په ځینو ودونو کې رښتینی باور او اخلاقي ژمنتیا کمه شوې ده. دوی ټینګار کوي چې د کورني ژوند ستونزې باید د تفاهم، مشورې او قانوني لارو حل شي، نه د داسې پرېکړو له لارې چې وروسته پښېماني راولاړوي.