جاپاني ډاکټرانو په يوه نوې څېړنه کې ويلي، هغه ښځې چې د اوږدې مودې لپاره له کوروالۍ بې برخې پاتې شي، د بدن توازن يې ورو ورو ګډوډېږي او ځينې مهمې ستونزې ورپيدا کېږي.
د دوی په وينا، لومړۍ ستره ستونزه هورموني ګډوډي ده. کله چې ښځه اوږده موده عاطفي او جسمي نږدېوالی تجربه نه کړي، د بدن طبيعي هورمونونه بې نظمه کېږي چې دا کار د مزاج بدلون، بېحوصلګۍ او ژور خپګان لامل ګرځي.
دوهمه ستونزه د ذهني فشار او روحي ستړيا زياتېدل دي. جاپاني ډاکټر وايي، کوروالی يوازې جسمي اړخ نه لري، بلکې د ذهن د ارامښت لپاره هم مهم رول لوبوي، او نشتوالی يې رواني تشې رامنځته کوي.
څېړنه همدارنګه ښيي چې دغه حالت د خوب ګډوډي، د ځان کم ارزښته ګڼل او پر نورو خلکو بې باوري زياتوي، چې دا ټول د ښځې پر ورځني ژوند ناوړه اغېز کوي.
جاپاني متخصصين ټينګار کوي چې د ښځې روغتيا د جسمي، عاطفي او روحي توازن مجموعه ده، او متوازن وادهييز او عاطفي ژوند د دې توازن ساتلو لپاره ډېر مهم ګڼل کېږي.