د افغانستان پخواني ولسمشر حامد کرزي له اوسني افغان حکومت څخه په عاجزانه ډول غوښتنه کړې چې د نجونو پر مخ د ښوونځیو دروازې بېرته پرانيزي.
کرزي ويلي، د نجونو د زده کړو بندېدل نه يوازې د هېواد راتلونکی زيانمنوي، بلکې په زرګونو کورنيو ته روحي او ټولنيز تاوان رسوي.
هغه زياته کړې چې حتی د ده په کور کې هم نجونې د زده کړو له حقه بېبرخې پاتې شوې دي، چې دا حالت د منلو نه دی.
نوموړي ټينګار کړی چې تعليم د اسلام، کلتور او انساني حقونو له بنسټيزو ارزښتونو څخه دی او بايد هيڅ ډول محدوديت پرې ونه لګېږي.
کرزي له حکومته غوښتي چې د ملت غږ واوري او د نجونو د تعليم لپاره ژر تر ژره عملي او مثبت ګامونه پورته کړي.