په اروپا کې داسې هېوادونه شته چې د نفوس توازن پکې برابر نه دی، يعنې د ښځو شمېر د نارينه وو په پرتله ډېر زيات دی. لاتویا هم له همدغو هېوادونو څخه ده، چېرته چې د اوږدو کلونو مهاجرت، جګړو او اقتصادي ستونزو د دې لامل شوې چې ډېر نارينه له هېواده ووځي او يا هم د ژوند په منځنيو کلونو کې مړه شي.
په لاتویا کې د ښځو شمېر دومره زيات دی چې په ځينو عمرونو کې د هر لسو ښځو پر وړاندې يوازې شپږ يا اووه نارينه موجود وي. دا حالت په ځانګړي ډول په ښارونو کې ډېر ښکاره دی، چېرته چې زياتره ځوانې او لوستې ښځې ژوند کوي خو د واده او دايمي اړيکو لپاره مناسب نارينه نه مومي.
د همدې نابرابرۍ له امله په لاتویا کې يو ځانګړی ټولنيز چلند رامنځته شوی دی. ځينې ښځې د يوازيتوب د ختمولو، مجلس، سفر يا ټولنيزو مراسمو لپاره نارينه په کرایه نيسي. دا اړيکې تل جنسي نه وي، بلکې ډېر وخت يوازې د ملګرتيا، خبرې اترې او د ټولنې د فشار د کمولو لپاره وي.
دا کار په لاتویا کې د ځانګړو انلاين پلېټفارمونو او ادارو له لارې تنظيمېږي، چېرته چې نارينه د لنډ وخت لپاره د ملګري، مېلمه يا هم د محفل د ګډون کوونکي په توګه ځانونه وړاندې کوي. ټولنه تر يو حده دا موضوع منلې ده، ځکه خلک پوهېږي چې د نفوس کمښت يو جدي واقعيت دی.
په ټوله کې، د لاتویا دا حالت ښيي چې کله په يو هېواد کې د نفوس توازن خراب شي، نو نوې ټولنيزې لارې او حل لارې رامنځته کېږي. که څه هم دا موضوع د ډېرو لپاره عجيبه ښکاري، خو د لاتویا د ښځو لپاره دا يو عملي حل بلل کېږي، تر څو د يوازيتوب احساس کم او د ټولنيز ژوند تشه ډکه کړي.